انا مااقدر اكون الا انا

انا ماقدر اكون الا انا وان جاز لي التعبير
باكون اكبر من طعون الغدر لو تنزف متوني.!!

انا ماني بيدين الوقت لعبة تقبل التغيير
ولاني بايع العشرة مثل ما ( ناس) باعوني

ولا تجبرني ظروفي أهين الورد بالتقصير
ولا اجرح من هداني الورد لو هو سيد طعوني.!!

عرفت ان الهوى لعبة نلونها بيدين الغير
يشوهها سواد قلوبنا وبه يختلف لوني.."

وعرفت ان الوفا كذبة زمن نحيا بها ونصير
ولا تستاهل الدنيا حزن يستوطن ضلوعي

انا جيتك ازف طعونك اللي تذكرك بالخير ..!!
واذكرك بكثير اعياد عاشت في سمآ كوني

وأقولك ليت فرقانا عقب حب بلا تقصير
لاجل تبقى لنا ذكرى واشيلك داخل عيوني .!!

انا جيتك أعيد الوقت ذكرى ما نويت تصير
ولكن قدر الله تنكتب لو ما هي بطوعي

عفا الله عن خطايا قلوبنا و الجرح والتقصير
وعفا الله عنك يادنيا زرعتي الهم بحروفي

محد يدري عقب موته من اللي يذكره بالخير
ولاني من الخطا معذور لو خانتني ظروفي

انا ماقدر اكون الا انا وان جاز لي التعبير
با أكون أوفى لكل ذكرى رماها الحظ بدروبي
بكاء

يسلموااااااااااا